राजविराज, २५ माघ । सप्तरीको हनुमाननगर कंकालिनी नगरपालिका–१३ गोबरगाढामा बुधवार साँझ भारतीयको गोली प्रहारबाट एक वृद्ध घाइते भएका छन् ।
साँझ साढे ६ बजेतिर भारतीय व्यक्तिको गोली प्रहारबाट ६५ वर्षीय महेन्द्र पासवान घाइते भएका हुन् । पासमानको घरमै पसेर ती व्यक्तिले गोली प्रहार गरेको सप्तरीका प्रहरी उपरीक्षक नरेन्द्र कार्कीले जानकारी दिए ।
गोली प्रहारबाट घाइते भएका पासवानलाई उपचारको लागि ल्याउने प्रयास भइरहेको उनले बताए । ‘गोली प्रहार गर्ने व्यक्ति भारतीय जाबेद भन्ने व्यक्ति रहेको बुझिएको छ, उनको पनि खोजी कार्य भइरहेको छ ।’, उनले भने ।
