राजविराज – सप्तरीको बोदे बरसाइन नगरपालिका–१० स्थित खडकपुरमा आगलागी हुदाँ २५ लाख रुपैयाँको क्षति भएको छ । विहिबार दिउँसो भएको आगलागीमा ५ लाख रुपैयाँ नगद समेत जलेको छ ।
आगलागीमा परेर स्थानीय पलानु यादव, गोहालु यादव, उमेश यादव र वीरेन्द्र यादवको एक–एक वटा घर जलेको छ भने पलानुले छोरीको विवाहका लागि घरमा राखेको ५ लाख रुपैयाँ नगद समेत जलेको छ ।
पलानुले छोरीको विवाहका लागि घरमा राखेको अन्य सबै सरसमान जलेर नष्ट भएको छ । उनकी छोरीको फागुन २५ गते विवाह तय भएको स्थानीयले बताए । उनीहरुको घरमा भएको अन्नपात, लत्ताकपडा, गरगहना सहितका समान जलेको वीरेन्द्रले बताए ।
तस्बिर/उमेश साह
