जनकपुरधाम, १७ मंसिर । जनता समाजवादी पार्टी (जसपा) नेपाल मधेश प्रदेश समितिका अध्यक्ष रामबाबू यादवले कोभिड–१९ को नयाँ भेरियन्ट ओमिक्रोन भित्रिन नदिनेतर्फ अग्रसरता देखाउन सरकारसँग माग गरेका छन् ।
उनले सामाजिक सञ्जालमार्फत छिमेकी मुलुक भारतमा सो भेरिन्ट देखिएसँगै नेपालमा पनि जोखिम बढेको बताए । ‘छिमेकी मुलुक भारतमा कोभिड १९ को नयाँ भेरियन्ट ओमिक्रोन भाइरस देखिएसँगै नेपालमा पनि जोखिम बढेको छ।’
उनले जोखिम कम गर्न तथा भेरियन्ट भित्रिन नदिन तत्काल उच्च कदम चाल्न आग्रह गरेका छन् । ‘जोखिम कम गर्न तत्काल उच्च कदम चाल्न र नाकामा हेल्थ डेस्क स्थापनाकासाथै परीक्षणमा कार्यमा अग्रसरता देखाउन सरकारसँग जोड दिन माग गर्दछु ।’
