काठमाडौं, ३० असार । नेपालमा पछिल्लो २४ घण्टामा २ हजार ९०५ जना कोरोना संक्रमित थपिएका छन् । बुधबार स्वास्थ्य तथा जनसंख्या मन्त्रालयका अनुसार पछिल्लो २४ घण्टामा १३ हजार २४ जनामा परीक्षण गर्दा २ हजार ९०५ जनामा संक्रमण पुष्टि भएको हो ।
देशभरमा ८ हजार १०८ जनाको पिसिआर परीक्षणबाट २ हजार १० जनामा संक्रमण पुष्टि भएको छ भने ४ हजार ९१६ जनाको एन्टिजेन परीक्षणबाट ८९५ जनामा पुष्टि भएको छ । सोही अवधिमा १ हजार ६०६ जना कोरोनाबाट संक्रमणमुक्त भएका छन् ।
यसैगरी पछिल्लो २४ घण्टामा १८ जनाको मृत्यु भएको छ । योसँगै नेपालमा कोरोनाबाट मृत्यु हुनेको संख्या ९४३० पुगेको छ ।
