जनकपुरधाम । नेपालमा पछिल्लो २४ घण्टामा थप ८०५ जनामा कोरोना भाइरसको संक्रमण पुष्टि भएको छ ।
स्वास्थ्य तथा जनसंख्या मन्त्रालयले बिहीबार दिएको जानकारी अनुसार ७ हजार २६४ जनाको पीसीआर र ३ हजार ४०८ जनाको एन्टिजेन गरि १० हजार ६७२ जनाको कोरोना परीक्षण गरिएकोमा ८०५ संक्रमण पुष्टि भएको हो ।
सोही अवधिमा ९११ जना कोरोना संक्रमणमुक्त भएका छन् । यससँगै नेपालमा कोरोनामुक्त हुनेको संख्या ७ लाख ७३ हजार १४० जना पुगेको छ । यसैगरी पछिल्लो २४ घण्टामा कोरोना भाइरसको संक्रमणबाट ८ जनाको मृत्यु भएको छ ।
योसँगै मृत्यु हुनेको संख्या ११ हजार २०० पुगेको छ । नेपालमा हाल १५ हजार ९४२ जना सक्रिय संक्रमित रहेका मन्त्रालयले जनाएको छ ।
